اضحك مع الفونسو

من طرف **alfonso** الإثنين 23 يوليو 2012, 5:52 pm

مرة ثلاثة فشارين راحوا الجبل واحد اعمى و واحد اطرش وواحد اقرع الاعمى قال انا شايف النملة التى فوق الجبل و الاطرش قال انا سامع دبتها والاقرع قال أنا شعرى وقف من كتر الكدب
-------------------
فشار بيكذب على محشش يقوله: بابا عنده عماره 500 طابق .. قال المحشش: ابوي عنده ناقه ارتفاعها 500 متر .. قال الفشار: وازاي يركبها؟ ,, قال المحشش :: ....من سطح عمارة ابوك
------------------
ثلاثة حكموا عليهم بالإعدام معاهم واحد صعيدي ، قالوا للأول عايز المنشار الكهربائي أو شنق ، قال: المنشار الكهربائي ، جابوه عند المنشار الكهربائي مشتغلش ، قالوا : حظك روح وأطلقوا سراحه ، جابوا الثاني قالوا : المنشار الكهربائي أو الشنق ، قال : المنشار الكهربائي ، جابوه عند المنشار الكهربائي برضو مشتغلش ، قالوا : حظلك روح وأطلقوا سراحه جابوا الصعيدي ، قالوا : المنشار الكهربائي أو الشنق، قال : شنق والناس وأقربائه بيقولوله : المنشار ، المنشار ، المنشار قالهم بايظ مايشتغلش .
-------------------------
مرة واحد طويل جدا شرب لبن مات ليه؟ لان اللبن صلاحيته انتهت قبل ما ينزل بطنه
-----------------
في واحد عايز ينتحر رمى نفسه قدام عربيه زعق عليه صاحب العربيه بتعمل كدا ليه رد عليه عايز انتحر قال طيب ماتطلع اي عماره وتنط قال ياسلاااام عايزني امووت
-------------------
واحد صعيدي سمع عن الموبايل قال لأبوه عايزك تشتريلي موبايل يابوي.. أشتريلك بشرط .. انك تركب اخواتك معاك .
---------------------
مواطنًا سأل الرئيس السوداني عمر البشير بعد إعلان نتيجة الانتخابات وفوزه بالرئاسة: هل يجوز شرعًا تزوير انتخابات الرئاسة؟ فأجاب: نعم يجوز بشرط إطعام ستين مراقبًا دوليًا شهرين متعاقبين.
---------------------
واحد بيقولك لحبيبته بحبك بعدد بوسترات ابو اسماعيل اللى فى الشارع بحبك بعدد المرات اللي البسطاويسي انسحب فيها من الانتخابات ورجع تاني بحبك بعدد المرات اللي شفيق قتل واتقتل فيها إنتي عندي أغلى من سيجارة عمرو موسى وبعد ده كله أقولك: بحبك، تقولي لي إيه".
------------------
مره واحد كان ماشي علي الطريق بسرعة ومعاه وحده و فجأه شاف في المرايه شرطي عمال يشاور له عشان يوقف العربيه! وجه الشرطي وقاله: أنت سايق فوق 180 كيلو في الساعه والطريق سرعته 80 كيلو في الساعه علشان كده هاعملك مخالفه الراجل... معلش انا كنت فوق 80 بشويه مش كتير الزوجه : ...... لا انت كنت ماشي علي 180 كيلو الزوج: .... نظرة حقد وغل لمراته الشرطي: .... وكمان مخالفه علشان الكشاف الخلفي مكسور الراجل: .... مكسور ازاي انا ما اعرفش انه مكسور الزوجه : .... ايوه انت عارف ان الكشاف مكسور من كم اسبوع الزوج: ..... نظرة حقد وغل لمراته الشرطي: .... ومخالفه كمان لانك مش رابط حزام الامان الراجل: ....... ده انا لسه فاكك الحزام دلوقتي لما وقفت الزوجه : .... لا لا لا ده انت عمرك ما ربطت الحزام الزوج في غيظ صرخ : .... انتي مابتعرفيش تسكتي ابدا الشرطي يقول للزوجه : .... هو دايما بيزعقلك كده الزوجه : .... لا بس لما بيكون سكران الشرطي : .... سكران ؟ !! الراجل: .... لا ما تصدقهاش الزوجه: ... صدقني احنا لسه لاقيين قزازة خمره في العربية لما سرقناها الشرطي: .... يعني العربية مسروقه ..؟ !!! الراجل: ... سيبك منها الله يهديك وانتي اسكتي ولا عليا الطلاق اطلقك الشرطي : .... هو دايما كده يهددك بالطلاق .. ؟؟؟ الزوجة: .... مش لما يتجوزني الأول وبعدين يحلف بالطلاق
===========
فوائد الزوجة النكدية تجعل لسان الزوج رطبا بذكر الله - طول اليوم يقول حسبي الله ونعم الوكيل تساعد الزوج على غض البصر لأنه سيكره صنف الحريم تساعد الزوج على صلة الرحم لأنه على طول الوقت عند أمه تساعده على المحافظة على وزنه لأنها تسد نفسه عن الأكل وبسبب قرفه منها سوف يقضي وقتاً أطول في العمل مما سيجعله ناجحاً في عمله محققاً المثل القائل وراء كل رجل عظيم امرأة نكدية!
---------------------
طيب: هذه الكلمة تستخدمها المرأة كي تنهي النقاش وآنت لازم تسكت ونصيحة اذا قالتها البنت لازم تختصر! 2- ولاحاجة : هذا الهدوء الذي يسبق العاصفة وهاذا يعني انو في حاجة كبيرة . واذا سمعتها لازم توقف على رجليك. 3- لا عادي: وهي من اخطر التصريحات اللي يمكن ان تقولها المرأة للرجل وتعني ان المرأة تريد التفكير مطولا وبعمق قبل ان تجعلك تدفع الثمن غاليا ووقتها أعرف ان الوضع أبدا مش عادي زى ما بتقول. 4- براحتك: هذه كلمة تحدي وتحذيرية وليست إذناً ! بالعربي يعني اذا انت راجل وفي على وشك شنب اكسر كلمتها وشوف. 5- لا شكرا: يعني انو الغضب قد وصل حده وقرب الانفجار ، وسوف تحل عليك اللعنة قريبا ان شاء الله. 6- اهااا: يعني انها كانت شاكة في حاجة وانت أكدتها يعني حاول تلطف الجو قبل ما تجيب أجلك!
--------------------
واحده عانس ماشيه في الشارع . . . لقت راجل نايم جنب الزباله مسكته نفضته وقالت مش حرام دا يترمي
---------------------
رسالة من متزوجة لحماتها "عزيزتي أم زوجي " لآ تنصحيني كيف أربي اولادي أنا عايشه مع وآحد من أولآدك وشآيفة آخر تربيتك ياحاجه!"
-----------------
مندوب مبيعات مكانـس كهربائيـة راح لأول بيت، خبط الباب، فتح له صاحب البيت، راح المندوب عالصالة ورمى كيس مليان بالتبن على السجادة ! وقال : شوف يا باشا! المكنسة دي لا صنع الصين ولا صنع اليابان! المكنسة دي عجيبة غريبة ! هتنظف كل التبن اللي كبيته كله! وشرط يا عمو لو منظفتش هاكل التبن ده كله !!! قاله صاحب البيت : عايز معاه بيبسي ولا عصير ؟ قال المندوب : ليه ؟ قال له : لأنه اصلا مفيش في البيت كهربا ....
-----------------------
طفل صغيّر سأل أمّه: إزّاي أنا جيت الدنيا؟ أمّه قالت له: أنا يا حبيبى حطّيت شويّة سكّر تحت السجّادة لاقيتك جيت... راح الطفل حاطت شويّة سكّر تحت السجّادة وبعد يومين رفع السجّادة قام لقى صرصار.. قام قال له أخ لو ماكنتش أخويا..كنت قتلتك...
--------------------
سوّاق تاكسى قابل زبون مسطول المسطول قال له: تاخد كام وتودّينى على فين؟ السواق رد عليه وقال له هات اللّى تجيبه وانزل هنا
--------------------
مسطول قرر القيام بعملية انتحارية ، وضع حزام متفجرات و دخل حي يهودي وقف بين ثلاث يهود و اتصل بالقائد قال له ” انا واقف بين ثلاث يهود انتحر الآن؟ ” قال له القائد لا ادخل كمان ، و بعده ساير حتى وصل بين 10 يهود قال لللقائد انتحر ده انا وصلت لاخر الطريق ! فكر المعلم و قال له انتحر الآن! فقام مطلع سكينة و ذبح نفسه
--------------------
طرق تعذيب النساء حسب الجنسية : المصرية:عد فلوس قدامها ولا تعطيها الباكستانية: حممها كل يوم اللبنانية: أمنع عنها المكياج السورية: أربطها وخلي تلفونها يرن؟
--------------------
وحدة قآعدة بتضحك زي آلهبلة سألوهآ : مآلك ؟! قآلت : صآحبتي سرقت رقم حبيبي " طيب وايه إلي بيضحك فكده" !?? قآلت : بقالهاآ أسبوع بتبعت رسآيل حب ل ( أخوهآ ) ،
---------------------
واحد غبي عنده ارق ومش عارف ينام....قال له صاحبه عندي لك طريقة للنوم مؤكدة...عد من واحد الى خمسميه... أخونا مكدبش خبر... وأول ما الدنيا ليلت راح للسرير وبدا يعد .. واحد .. اثنين .. ولما وصـل الى ميه وتسعة وتسعين ...كبس عليه النوم … قـام جري غـسـل وشه ورجــع للـسـريـر يـكـمـل الـعـد
-------------------
تعريف يوم الفرح هو اليوم اللي العريس بيشوف فيه كل صاحبات العروسة وبيقول لنفسة : والله شكلي استعجلت
-------------------------------
دخلت سائحة أمريكية إلى احد محلات الخضار في مصر ونظرت إلى الطماطم وسألت الخضرواتى ما هذا ؟ الخضراتى : طماطم السائحة : ليه طماطمكم صغيرة ؟ احنا الطماطم عندنا في امريكا كبيرة جدا ، والله انتو ما بتعرفوش تزرعوا . ثم نظرت الى الخيار وقالت : ما هذا ؟ الخضراتى بعد ماتخنق منها : خيــــار السائحة: ايه ايه ؟؟ هذا خيار ؟؟؟ وليه بتزرعوه صغير ؟ والله انكم ما بتعرفوا الزراعة ولا عمركم سمعتوا عنها . ثم نظرت الى البطيخ وقالت : ما هذا ؟ اتعصب الراجل وقال : عنب فرط
--------------------
مرة واحد راح للريس وقاله انا بعت اللى ورايا واللى قدامى عشان ابنى يشتغل..........رد عيله وقاله اية يعنى انا بعت البلد كلها وابنى ما اشتغلش
--------------------
واحد ماشي وراء واحدة طويلة وجسمها رشيق وشعرها رائع، وقال لها: أنا عندي عمارات وأراضي وسيارات… فالتفتت بوشها ناحيته .. وكانت وحشة قوي، قالها: بس يلعن أبو القمار اللي ضيع مني كل حاجة
---------------------
تم طرح مناقصة لصيانة سور البيت الابيض تقدم 3مقاولين امريكاني و مكسيكي و مصرى للمناقصة الامريكاني اخد مقاسات السور و تقدم بسعر 900 دولار سأله مسئول البيت الابيض: ليه 900 دولار قال : 400 دولار خامات+ 400 دولار عمالة و 100 دولار مكسب و المكسيكي اخد مقاسات السور و تقدم ب 700 دولار للمناقصة لما سأله قال: 300 دولار خامات+ 300 دولار عمالة و 100 دولار مكسب أما المصرى فراح من غير ماياخد أي مقاسات و قال للمسئول: أنا هاخد 2700 دولار في الحوار دة المسئول رد علية و قالة: ليه يا عم كل ده رد علية المصرى و قالة: 1000 دولار ليا و 1000 دولار ليك و نجيب المكسيكي يعمل الشغلانة بـ 700
----------------------
مرة اتنين محششين قاعدين فوق سطح شافوا طيارة معديه واحد بيقول للتانى:ديه طياره حسنى مبارك.قال التانى:لا علشان ديه لوكانت بتاعة حسنى كان مشى وراها موتوسيكلات
---------------------
بلدياتنا جامدين قاموا زوروا ورقة ب 18 جنيه, !واحد فيهم نزل يجربها في بلدياتهم على أول الشارع وبيقوله:مساء الخير يا بوي, ألاجيش معاك فكة 18 جنيه؟ قاله:حظك يا ولد معايا أخر تسعتين!!!
----------------------
واحد مابيصومش قال لـمراته: فين السحور يا ولية قالتله أنت مش بتصوم عاوز ايه من السحور؟ راح قال لها:الله هو يعني لا صيام ولا سحور خلاص بقينا كفار للدرجة دي
-------------------
واحد اتصل بمراته قالها حضري المية السخنة! راح صاحبة قالة انت حمش قوي قالو امال هاغسل المواعين بمية باردة
-------------------------------------
مرة اتنين ستات عواجيز نفسهم يتجوزوا فراحوا النادي وقالوا اول ولد حيعدي حنقوله، و لما عدى واحد، واحدة منهم قالتله: تتجوزني يا امور؟ قالها: ده انا اتجوز كلبة ومتجوزكيش! التانية راحت قايلة: هوهو
------------------------
واحد قبل مايموت جمع ولاده التلاتة وحب يوصيهم يفضلوا ايد واحدة ،وأعطى لكبيرهم عود خشب كسره بسهوله أعطاه اتنين كسرهم بسهولة برضه أعطاه خمسين عود كسرهم بسهوله قال لهم طالما معاكم البغل ده مافيش خوف عليكم
------------------------
مرة واحدة قالت لزوجها اليوم بصيت لنفسى فى المراية لقيت نفسى قمر14 تفتكر كده غرور... قالها لأ غرور ايه .. ده كدة يبقى عمى
-----------------------
مره واحدة روحت على بيتها متاخر قال لها زوجها :انتى كنتى فين يا مدام ؟؟؟ قالت :لا مهوا ... اصلو ... كان فى واحد بيعكسنى قال لها :هو بيعكسك .. انتى اتاخرتى ليه ؟؟؟؟ قالت :اصله كان ماشى على مهله ....!
------------------------
بنتين لابسين بكيني وماشين على البحر في رمضان ليش مشروع افطار صائم
---------------------------
صبى كسلان جدا شغال فى ورشة كل ما المعلم يقول له هات مفك ، يقول له كمان شويه ..بكره ..مش وقته..وفى يوم لمبة الورشة اتحرقت ، المعلم قاله ركب اللمبه قال له دى حاجة سهلة قوى ، وشاله المعلم على كتفة واستنى دقيقة دقيتين ربع ساعه مافيش حاجة ركبت ، قال له المعلم انت مركبتش اللمبه ليه؟قال له اللمبه قلاووز وانت اللى مبتلفش يا معلم
------------------
غبى اتقدم لواحدة قالتله اسفة جوايا شخص تانى قالها بلاش فلسفة و قولى انك حامل
----------------------
بخيل راح يزور امه فى المستشفى لقى مكتوب على الباب ادفع قال ربنا يشفيها ابقى اشوفها اما ترجع البيت
--------------------
واحد اخترع حبوب للحامل علشان المولود يطلع مؤدب وكل مولود فعلا نزل مؤدب . واحدة أخدت الحبوب وماولدتش في المعاد فراحت للدكتور عملها ولادة قيصرية ، لقى توأم كل واحد بيعزم علي التانى ويقول له “اتفضل” التاني يقوله “لأ اتفضل إنت الأول.”
---------------------
مرة واحد كل لما يعدى من شارع يشوف واحد بيشرب سجارتين فساله مره ليه هو انا ليه كل لما اعدى من هنا اشوفك بتشرب سجارتين قاله اصل انا كان ليه واحد صاحبى متعودين ان احنا نشرب سجاير هنا وصاحبى ده سافر فانا بشربلى وبشربله بعدها بفترة صاحبنا ده عدا شافه بيشرب سجارة واحده فقاله انت بتشرب سجارة واحده ليه قاله اصل انا بطلت
-----------------------
واحد مدمن انترنت بيضطروا يدوله لنك فى الوريد ويشربوه شات بلبن
--------------------
واحد قابل واحد بيجرى فى الشارع فسالة بتجرى لية قالة حماتى اشتريت لها نصف كيلو سمك اكلته نىء اصيبت بشلل نصفى فقاله رايح تجيب لها الدكتور قاله لا انا رايح اجيب لها النصف كيلو الثانى
----------------------
مرة واحد من كتر حبه للموبيلات جاب بنت سماها شريحة
-------------------
واحد راح ينتخب وهو راجع قابل واحد صاحبه قاله انتخبت مين ؟ قاله محمد مرسي.. صاحبه قاله يا نهار اسود كدة انت لبستنا يا معلم ارجع اللجنه بسرعه وصلحها واختار شفيق ..رجع الراجل وقال لرئيس اللجنه معلش انا كنت عاوز انتخب شفيق علمت غلط علي مرسي فرئيس اللجنه مسكه من ودنه وقاله احنا صلحناهلك بس خد باللك المرة الجايه
--------------------
مرة واحد ركب دش فوق السطح فعلشان ماحدش يقرب منه من السكان بنى حواليه كوخ وقفله وقال للسكان انا حاطط أسد في الكوخ ده فمحدش يقرب منه أحسنله ، السكان فضلوا خايفين يطلعوا السطح لحد مايوم الشجيع بتاعهم طلع وراح فاتح الكوخ راح نازل جري ووشه أصفر السكان قالولوه ايه شوفته ، قالهم لأ أنا شوفت الطبق اللي بياكل فيه بس
--------------------
النهارده هنعرف يعنى ايه الاحتباس الحرارى مدرس علوم سئل طالب يعنى اية احتباس حرارى ؟ قاله :- يعنى انك تاخد نفس طويــــــــــــــــــل من السجـاره وتبص فجأه .....تلاقي ابوك في وشــــــك

الله عليك ياكمال باشا
ياأبو محمد ياغالي
نكت جميله واجملهم
واحد غبي عنده ارق ومش عارف ينام....قال له صاحبه عندي لك طريقة للنوم مؤكدة...عد من واحد الى خمسميه... أخونا مكدبش خبر... وأول ما الدنيا ليلت راح للسرير وبدا يعد .. واحد .. اثنين .. ولما وصـل الى ميه وتسعة وتسعين ...كبس عليه النوم … قـام جري غـسـل وشه ورجــع للـسـريـر يـكـمـل الـعـد

تعريف يوم الفرح هو اليوم اللي العريس بيشوف فيه كل صاحبات العروسة وبيقول لنفسة : والله شكلي استعجلت

دخلت سائحة أمريكية إلى احد محلات الخضار في مصر ونظرت إلى الطماطم وسألت الخضرواتى ما هذا ؟ الخضراتى : طماطم السائحة : ليه طماطمكم صغيرة ؟ احنا الطماطم عندنا في امريكا كبيرة جدا ، والله انتو ما بتعرفوش تزرعوا . ثم نظرت الى الخيار وقالت : ما هذا ؟ الخضراتى بعد ماتخنق منها : خيــــار السائحة: ايه ايه ؟؟ هذا خيار ؟؟؟ وليه بتزرعوه صغير ؟ والله انكم ما بتعرفوا الزراعة ولا عمركم سمعتوا عنها . ثم نظرت الى البطيخ وقالت : ما هذا ؟ اتعصب الراجل وقال : عنب فرط

بخيل راح يزور امه فى المستشفى لقى مكتوب على الباب ادفع قال ربنا يشفيها ابقى اشوفها اما ترجع البيت

واحد قابل واحد بيجرى فى الشارع فسالة بتجرى لية قالة حماتى اشتريت لها نصف كيلو سمك اكلته نىء اصيبت بشلل نصفى فقاله رايح تجيب لها الدكتور قاله لا انا رايح اجيب لها النصف كيلو الثانى

واحد راح ينتخب وهو راجع قابل واحد صاحبه قاله انتخبت مين ؟ قاله محمد مرسي.. صاحبه قاله يا نهار اسود كدة انت لبستنا يا معلم ارجع اللجنه بسرعه وصلحها واختار شفيق ..رجع الراجل وقال لرئيس اللجنه معلش انا كنت عاوز انتخب شفيق علمت غلط علي مرسي فرئيس اللجنه مسكه من ودنه وقاله احنا صلحناهلك بس خد باللك المرة الجايه

اضحك مع الفونسو

اضحك مع الفونسو

رد: اضحك مع الفونسو